intatheli yelanga
ATSHALWE ngaphandle kokuphelezelwa yizizwe zawo amakhosi amabili aKwaZulu-Natal akhothame emuva kokudunguzela isikhathi eside.
INkosi Sizwesonke Vincent Magwaza (65) yaseNkandla, itshalwe ngoLwesihlanu kanti iNkosi yaseMbo eHammarsdale, eThekwini, u-Emmanuel Benjamin Thamsanqa Mkhize (67) ilondolozwe ngoMgqibelo.
INkosi Mkhize ikhothame mhla ka-26 ngenyanga edlule, kanti eyakwaMagwaza yona ihambe mhla ka-20.
UNgqongqoshe wezokuBusa ngokubaMbisana nezoMdabu KwaZulu-Natal, uMnu Sipho Hlomuka, uthe bakhathazeke kakhulu ngokulimala kwamakhosi ngoba abe neqhaza elikhulu ekwakheni isizwe.
“Abantu abaningi abawutho namhlanje emphakathini badlule ngaphansi kwesandla sawo amakhosi, ikakhulukazi ekuthuthukiseni izindawo zasemakhaya nokwa-kha isizwe esiqotho.
“Sidlulisa amazwi enduduzo emindenini nasezizweni ezilahlekelwe, esethemba ukuthi kuzobanjiswana ngaphandle kwemisindo noma engasekho amakhosi,” kusho uMnu Hlomuka.
Inkosi yakwaMkhize emuva kokusebenza isikhashana emnyangweni wezemali oNdini eminyakeni yama-1976, yagcina isifundela ezomthetho yaze yaphatha inka-ntolo eMbumbulu, eThekwini.
Ikhothame isimukelwe njengommeli enkantolo ephakeme.
