Bathi makuyekwe ukuvinjwa kwamakholwa aholwa wuKukhanyakwelanga
aholwa nguPhinda “Kukhanyakwelanga” shembe ongakwesokudla.
THANDEKA NGOBESE
ASELUFA-KE eNka-ntolo eNkulu yaseThekwini amaNazaretha aholwa yiNkosi Phinda “Kukhanyakwelanga” Shembe, udaba “lokunqwaha” kweNkosi Mduduzi “Nyazilwezu-lu” Shembe, ukuphuma aphele emzini waseBuhleni emuva kokuba iNkantolo yoMthethosisekelo ya-shayela isipikili sokugcina ukuthi iNkosi Vela “Misebeyelanga” Shembe (engasekho) yiyo umholi osemthe-thweni waseBuhleni.
Lokhu inkantolo yakuveza mhla ka-22 kuNhlangulana (June) nonyaka. Kula maphepha afakwe enkantolo wuKukhanyakwelanga noNobhalajikelele we-hhovisi lebandla, uMnu Chancy Sibisi, bathi uNyazilwezulu malungaphi-nde luzi-veze empha-kathini njenge-nkosi yaseBuhleni, iNkosi yamaQadi uMqoqi Ngcobo noMfu Friend Nzama bayeke ukuvimba amakholwa (aholwa wuKukhanya-kwelanga) okufanele angene eBuhleni.
Bathi uNyazilwezulu kumele luphume luphele eBuhleni okuwumuzi webandla lukhiphe konke okungokwalo emathempelini aseBuhleni.
“Sifuna nilethe wonke amaakhawunti, yizitatime-nde zasebhange nemali eqoqwe sonke lesi sikhathi selinilahlile icala,” kusho le ncwadi efungelwe.
Okhulumela amaNazaretha aholwa wuKukhanyakwelanga, uMnu Nkululeko Mthethwa, uthe yize ekhona amaphepha abawafa-ke enkantolo, kodwa kabavumele-kile ukuphawula ngalolu daba njengoba engakafakwa amaphepha kubameli bohlangothi oluthi-ntekayo (ezoNyazi).
“Sicela nilinde size sithole impendulo uhlangothi oluthi-ntekayo,” kusho yena.
Okhulumela uhlangothini lwaseBuhleni, uMnu Lizwi Ncwane, akatholakalanga ocingweni lwakhe njengoba belungangeni.
thandeka.ngobe-se@ilanganews.co.za
