MFANAFUTHI NDLOVU
BAZIMISELE ukwenza lukhulu ukuyisa phambili i-basketball yezikole abeNational Basketball Association (NBA) emuva kokuba izikole zaseThekwini – ezibalelwa ku-150 -zikhiphane inkani kwiNBA Africa Tournament eqale ngegiya eliphezulu ngoMgqibelo yasongwa namuhla ngeSonto eVictoria Mxenge Indoor Sports Complex, kwaD, eMlazi.
ICwebezela Primary School igoduke nendebe kwabesifazane, ihlula iSekelani Primary ngo-22-10 kwathi UMbilo Kings (Curro) wahlula iHome Turf Hoops ngo-18-15 kowamanqamu.
I-Social Responsibility & Player Programs yeNBA Africa, uManqoba Madonda, itshele ILANGA ukuthi izizwe ithobekile ngezinga elikhonjiswe yizikole ebeziyingxenye yalo mqhudelwano abazimisele ukwenza okukhulu ngawo ukuya phambili. Ngaphandle kwezinkomishi, izikole ezinqobile zithole nezindondo kanti zonke izikole ebeziyingxenye yalo mqhudelwano zinikwe okuningi kokudlala.
ULancey Kawomba weMbilo Kings no-Anele Thusi waseCwebezela, babe ngabadlali abavelele kulo mqhudelwano ngokwehlukana kobulili.
Abalandeli nabazali bezinhlanga ezahlukene bebephumile ukuyokweseka abadlali.
