INTATHELI YELANGA
I-ROYAL AM ibe yizingqwele zeKwaZulu-Natal Premier’s Cup emuva kokuguqisa iMaritzburg United ngo-3-2 wamaphenathi ePrince Mangosuthu Regional Stadium, oNdini namhlanje ngeSonto. Lo mdlalo ubuphele ngo-0-0.
UNGQONGQOSHE wezeMidlalo KwaZulu-Natal, uMnu Mntomuhle Khawula noMnu Thami Ntuli ongundunankulu walesi sifundazwe benikezela ngendebe ezingqweleni zePremier’s Cup.
I-AM ingene kowamanqamu ngokuhlula AmaZulu FC ngo-2-0 kanti iMaritzburg yona idlule kwiRichards Bay FC sekukhahlelwa amaphenathi emuva kokuba umdlalo uphele zibambene ngo-0-0.
INJABULO ibibhalwe ebusweni kuShauwn Mkhize ongumnikazi we-AM ezakhe zidla umhlanganiso.
UNdunankulu waKwaZulu-Natal, uMnu Thami Ntuli nongqongqoshe wakhe wezemidlalo, uMnu Mntomuhle Khawula, yibo abadlulisele indebe ezingqweleni. Kule midlalo bekukhona noMengameli weSafa, uDanny Jordan. Le midlalo isiza kakhulu amakilabhu akulesi sifundazwe ukuzifudumezela ukuqala kwesizini njengoba lusuka ushikishi mhla ka-3 kuNcwaba (August) ngemidlalo yeMTN8 – yize kungekho neyodwa eyakulesi sifundazwe ezobamba iqhaza ngenxa yokwehluleka wukungena kwi-top 8 ngesizini ephelile.
