NHLANHLA HUDLA
ITHELE muva njengembumba iCell C Sharks ibuya sekuvalwe amehlo emdlalweni omqoka weSuper Rugby.
ISharks ibhuquzise iStormers ngo-12-9 kowe-Super Rugby ngo-Mgqibelo ntambama eCape Town.
Leli qembu liye kulo mdlalo li-ngaphansi kwenkulu ingcindezi kwazise lo mdlalo ubufana nowamanqamu.
ULukhanyo Am uphule izinhli-ziyo zabalandeli beStormers ethola i-try emqoka ewezele leli qe-mbu laseThekwini esigabeni so-mkhumulajezi.
Sekujwayelekile ukuthi leli qembu lingene sekuvalwe amehlo njengoba lenzile nanyakenye.
Nakuba inqobile iSharks kumele ibonge udonga lwayo lwasemuva olusebenze ngokuphindiwe luvimba izitha.
ISharks iye kulo mdlalo ngapha-ndle kwabadlali bayo abamqoka abebengekho ngenxa yokulimala.
Kuzo ezeSuper Rugby, iBulls ibe ngelinye lamaqembu azomela iNingizimu Afrika kowomkhulajezi. IBulls ibukise ngeLions iyibhu-dluza ngo-48-27 ngoMgqibelo kusihlwa eLoftus Versfeld Stadium, ePretoria.
Ukuhlulwa kweLions kushabalalise amathemba okuthoba abalandeli baleli qembu laseGoli izinhliziyo kwazise lifinyelele kathathu kowamanqamu walo mqhudelwano iminyaka ilandelana edlule kodwa labuya lilamba-tha kuyona yonke.
Asewonke amaqembu azogadulisana kuma-quarter final eSuper Rugby ami kanje:-
Crusaders vs Highlanders.
Jaguares vs Chiefs.
Hurricanes vs Bulls.
Brumbies vs Sharks.
