IFU elimnyama kwezikaqedisizungu kudlula emhlabeni umakadebona kwezokulingisa, uConnie Chuime (72) (osesithombeni), ozakhele igama emidlalweni eyahlukene kumabonakude. Ngokwesitatimede somndeni – esisabalele ezinkundleni zokuxhumana – lo mlingisi ushonele eGarden City Hospital, eGoli namhlanje. Umndeni ube usunxusa ukunikwa ithuba lokuzila kulesi sikhathi esinzima obhekene naso, uzoyikhipha imininingwane ethe thuthu ngesikhathi esifanele.
UConnie uzokhumbuleka emidlalweni okubalwa kuyo Inkomo Edla Yodwa, edlala indawo kaThembi – okwakudlala phambili kuyo uHenry Cele (ngasekho), enguSaul Gumede – Rhythm City, Zone 14, Yizo Yizo, Ring of Lies, Queen Sono, Gomora neBlack Panther.
