Umbhali uthi ukusoka kunemiphumela emihle kwabesilisa
MHLAWUMBE wake wazibuza ukuthi kungani abezempilo begcizelela indaba yokuba kusokwe. Kakusikho nje ukuthi basuke befuna ukususa amajwabu kwabesilisa ngaphandle kwesizathu, kepha yingoba kunemiphumela emihle. Singabala ukuvikeleka ezifweni ezithile, ngoba ijwabu lilodwa nje kunezifo elizidalayo. Liyini ijwabu? Ijwabu yilesi sikhumba esivalela ikhingqi, siyasuswa uma usoka. Nxa ungasokile unaso lesi sikhumba. Abaningi basoka ngezizathu zenkolo, ezendabuko noma ngenxa yokugula, njengoba sichazile ngesonto eledlule. Ukusoka kungaphinde kukusize ukuvikela izifo ezithile. Ukusoka kuyisinqumo somuntu lapho esethole ulwazi olwanele ngakho. Uma usuthathe isinqumo sokuthi ungasoki, kubalulekile ukunakekela ijwabu lakho ngoba ungazithola ubhekene nezinkinga. Nazi izifo ezingakuphatha ejwabini
– phimosis;
– paraphymosis;
– infections;
– ukulimala;
– izifo ezithelelana ngocansi;
– umdlavuza wesitho sangasese;
– ukushintsha kwebala;
– Sizongena kuzo zonke ngasinye, kodwa ngeke sibe mude kwi-paraphymosis ngoba sikhulumile ngayo esontweni eledlule.
- PHIMOSIS
Lokhu wukubambeka kwejwabu
ngaphambili, lingabe lisavuma
ukudonseka, lokhu kwenza kube
nzima ukuhlanza ikhingqi, kuqoqelane
inkununu ngaphansi kwejwabu.
Ngezinye izikhathi lokhu kuvaleka
kungadala:
– ubuhlungu phambili endukwini;
– Ukuvuvuka kwenduku;
– Ukopha;
– Ukuklayeka kwejwabu;
– Izinkinga zokuchama, njengokuqoqana
kwawo ngaphansi kwejwabu;
– Ukungcola;
Uma unalezi zinkinga gwema ukusebenzisa
insipho uma uhlanza isitho
sangasese, kodwa sebenzisa amanzi
afudumele.
Nokho kuyatuseka ukuthola usizo
lapho ubhekene nalezi zinkinga ngoba
uma uzishiya zingelashiwe, zingaqhubeka
zenze umonakalo futhi ungathelela
umlingani wakho wocansi noma
uzwe ubuhlungu uma usenkonzweni
yasekamelweni. - PARAPHYMOSIS
Sikhulumile ngayo esontweni
eledlule, lokhu kuwukuhlehla kwejwabu
lingasaphindiseleki emuva. Lokhu
kuyisimo esiphuthumayo okumele
sithathelwe phezulu, ngoba uma
ungasheshi ukusinqanda, ungaba
nokulimala okukhulu esithweni sangasese.
Uma uke wazithola usunalesi sifo,
kuyatuswa ukusoka ngoba singakuphinda
futhi, kanti ubuhlungu balesi
sifo bunzima impela. - INFECTIONS
Lokhu kwenziwa ikakhulukazi
wukungahlanzeki kwabesilisa, kubamba
laba abangenakho ukuqonda ukuthi
ijwabu liyahlehliswa, kuhlanzwe
kahle ikhingqi ngoba le nkununu
embondelana ngaphansi kwejwabu,
ithandwa kakhulu wukungcola.
Ukuvelwa yiminkenke noma ukusikeka
ejwabini kwenza kube lula
ukungena kwamagciwane esikhunjeni,
kudale ukuvuvukala nobuhlungu.
Kunohlobo lokungcola esikubiza
ngokuthi yi-balanitis, okusho ukuvuvuka
kwesitho sangasese ngenxa
ye-infection, okujwayele abangasokile
ngenxa yokwanda kwezifo zokungcola
kwabangasokile.
Izimpawu ze-balanitis: - Wubuhlungu nokuluma kwenduku;
- Wukuvuvuka kwenduku;
- Wubuhlungu lapho uchama;
- Wukuphuma kokungcola ngaphansi
kwejwabu, okunephunga.
Ngenxa yokusondelana kwalesi sifo
nokuhlanzeka, kubalulekile ukuzigcina
uhlanzekile noma ukuthatha
isinqumo sokusoka uma ungakwazi
ukuhlanza ikhingqi. Lezi zimpawu
nazo uma uzibona phuthuma uyothola
usizo. - UKULIMALA
Umkhuba wokungazifaki izimpahla
zangaphansi uya ngokwanda kodwa
kawandi wodwa, wandisa namajwabu
esiwabona elethwa ezothola usizo
ngenxa yokubanjwa ngoziphu. Okwake
kwamehlela lokhu ubuqonda kahle
lobu buhlungu. Lokhu kakulimazi
kuphela ijwabu kodwa kungathinta
ngisho nekhingqi imbala noma imbobo
yokuchama, okungenza wophe
noma kwenze umonakalo omkhulu
kulo ijwabu. - IZIFO EZITHELELANA
NGOCANSI
Abasokile banamathuba aphansi
okuthola izifo zocansi njengoba
ucwaningo luveza. Nokho lokhu
kakusho ukuthi ukusoka kuqeda
ngokuphelele ithuba lokuthola izifo
ezithelelana ngocansi. Yingakho-ke
kubalulekile ukuqhubeka nokusebenzisa
ijazi lomkhwenyana nalapho
ususokile. - UMDLAVUZA WESITHO
SANGASESE
Lo mdlavuza wenziwa yi-human papilloma
virus, okuyisifo esithelelana
ngocansi. Ukusoka kuyawanciphisa
amathuba akho okuthola leli gciwane
kalula.
Ngokufanayo, ukusoka akuqedi onke
amathuba akho okuba nalo mdlavuza
kodwa kuyawehlisa. Abaningi esibabona
nalesisifo basuke bengasokile.
Uma uzibona unesilonda esingapholi
esithweni sangasese, sithathele
phezulu ngoba singaba umdlavuza.
UKUSHINTSHA KWEBALA
LEJWABU
Abaningi bazibona sebenejwabu
elikhanyayo, kujwayeleke ukuqala
ejwabini kuye ngokuqhubeka.
Nokho okujabulisayo wukuthi lokhu
kakunabungozi. Kuyinto nje abaningi
abangayithandi ngenxa yokubukeka
kuphela. Uma usoka, kwabaningi kuba
wukuphela kwayo le nkinga.
Kayisisona isifo esithelelana
ngocansi. Ngokufanayo, abaningi
abangasokile kababi nankinga ngisho
encane. Nokho ukungahlanzeki
kungakwenza uzibone usubhekana
nalezi zinkinga.
Yiziphi izindlela ongagwema ngayo
lezi zinkinga:
– Kumele uhlanze ngaphansi
kwejwabu nsukuzonke ngamanzi
afudumele;
– Ungasebenzisi insipho noma izinto
ezishisayo lapho ugeza;
– Shintsha izingubo zangaphansi
nsukuzonke;
– Gqoka izingubo zangaphansi;
– Ungazibandakanyi ocansini
olungaphephile;
– Shesha ukuthola usizo lapho
kunokuthile ongakuboni kahle.
www.ilanganews.co.z
