LUCKY CAIN
INJABULO ngokuvulwa kwehhotela lodumo eThekwini, iHilton Hotel, elavalwa ngesikhathi izwe lisahaqwe yi-Covid-19 ngo-2020. IMeya yeTheku, uMnu Cyril Xaba, izwakalise injabulo ngokuvulwa kwaleli hhotela, yathi lokhu kuyisigaba esimqoka kwezokuvakasha, ikakhulukazi kwezamabhizinisi. Ithe ukuvulwa kwaleli hhotela kuzokwenza kube nabahleli bezingqungquthela ezinkulu ezimqoka bakubone ukubaluleka kokuzenzela eThekwini.
Iqhube ngokuthi ukuvalwa kwaleli hhotela kuzobamba iqhaza elikhulu ekuthuthukiseni ezokuvakasha eThekwini futhi kwakheke namathuba emisebenzi futhi kuthuthukise nomnotho. Kulindeleke ukuba leli hhotela liqale ukusebenza ngokugcwele kuyona le nyanga – okuyinyanga yezokuvakasha eNingizimu Afrika.
