Kuthiwa iPirates izimisele ukukhipha itshe lemali
SENZO SOKHELA
ISITHOMBE NGABE: BACKAGEPIX
ISENGCUPHENI yokulahlekelwa ngumgadli wayo okhula ngamandla iMaritzburg United njengoba kuvela ukuthi ufunwa uthuli yi-Orlando Pirates.
ILANGA lihletshelwe yimithombo yalo ukuthi kuvalelwe i-coronavirus ebhubhisa umhlaba wonke iMaritzburg inezingxoxo neBucs okuthiwa ifuna uthuli uBongoku-hle Hlongwane (19) ongumgadli weMaritzburg.
UHlongwane unyuselwe yiMaritzburg esikimini sayo esikhulu ngesizini eyedlule.
Selokhu enyukile uma enikwe ithuba lokudlala akalibheki ipali.
Kuvela ukuthi iBucs iyamfuna futhi izimisele ukukhipha itshe le mali ngaye.
Leli phephandaba lishayela uFarook “Ntshebe’’ Kadodia umnikazi weMaritzburg ngalolu daba uthe ucela ukungaphawuli ngalo.
Limbuza ukuthi igcina kanjani indaba kaSiyanda “Magazi” Xulu odlala emuva ophelelwa yinkontileka nale kilabhu uthe: “Indaba kaXulu isami kanjalo ufuna imali esingeke sikwazi ukumunika yona,’’ kusho uKadodia.
