QINISEKISA ukuthi isithunzi negama lakho uyalivikela. Impumelelo ilindele ukunyakaza kwakho. Qinisekisa ukuthi ulwazi lwakho uyaluthuthukisa ngayo yonke indlela. Gxila kakhulu ezifisweni zomndeni wakho.
NAKUBA kukuningi okubhekene nawe ngqo kodwa akumele ziphazamiseke izinhlelo zakho. Ungalokothi ukhulume ngezinto ongenaso isiqiniseko sazo. Uma ugxila ekusebenziseni isikhathi uzonqoba umzabalazo.
OKUNYE okuthungathayo okuzothuthukisa impilo yakho uzothola ukuthi nakho kuthungatha wena. Lesi yisikhathi sokuba ugqamise kakhulu lokhu okwakhayo.
UNOMQONDO obukhali kakhulu nolwazi oluthile okumele uludlulise. Ukulungiseka kwezinye izinkinga kuzoncika ekukhuthaleni kwakho. Zama ukubheka phambili, ungabesaqalaza emuva.
KUNGAKUSIZA ukuhlanganyela nabanye ukuzeubone ukuthi imibono yakho ephusile ingasebenza kuphi. Kuzokusiza ukuba seduze nabantu obonayo ukuthi bangakundlondlobalisa.
KUKHONA izinkinga okumele zibhungwe ngokushesha emndenini wakho. Enye inkinga obuyiziba manje yisikhathi sokuba uyisukumele.
UYASIDINGA isikhathi sakho wedwa ukuze uzohluza kahle lokhu okumele ukulandele. Kukhona isikhathi osilindile obonayo ukuthi sizokwenza ngcono isimo sakho sezezimali.
QAPHELA ukuthi unendlela yakho yokucabanga manje engafani neyomunye. Ziningi izinto okumele uzenze ngale kokubheka abanye ukuthi benzani. Qaphela ukuthi uma uxoxa ngezinhlelo zebhizinisi abanye ngeke bawu-ntshontshe umbono wakho.
UMA nje usukuma ngokuphuthuma bakhona abazo-kweseka kwezinye izinhlelo. Uma ubonisana nomaqo-ndana kokuningi uzobona ukuthi uyamethemba futhi ubalulekile kuwena.
HLALA njalo uzifisela okuhle futhi wenza okuhle ukuze kuzokwenzeka okuhle empilweni yakho. Kuningi kakhulu okungabalulekile okumele ukubeke eceleni ugxile kulokhu okusemqoka.
KONKE ubuhlungu kumele uqonde ukuthi ngokwesikha-shana. Impilo yakho ingase ihambisane kakhulu nalokhu okudidiyele engqondweni. Ubuthakathaka bakho bunganqobeka uma uzicija lapho uqine ngakhona.
UNAMAQHINGA ahlukene okwenza imali kodwa okwamanje ubona sengathi unezidingo eziningi kakhulu. Zama ukuncenga kancane inhliziyo yakho ukuze ukhohlwe ngokunye okukuphathe kabi.
