Kuthiwa ubezehlisa ngisho kungeyena osephutheni
NONHLAKANIPHO SHINGA noBONGINKOSI ZONDI
KUBATSHAZWA intobeko, wuthando nokungazithwali yize ebeyisifundi-swa esidlula ezini-ngi eminyakeni edlule, uDkt Frank Mdlalose owa-ba ngundunankulu wokuqala wa-KwaZulu-Natal – kusukela ngo-1994 kuya ku-1997, ngethikithi le-IFP – odlule emhlabeni ngeSonto.
UMfu Musa Zondi owake waba ngunobhala-jikelele we-IFP, uchaze uDkt Mdlalose njengomuntu obe-nothando, ekhaliphile. Uthi waqala ukuhlangana noDkt Mdlalose ngo-1975 ngesikhathi kusungulwa iNka-tha, akuqaphela ngaye ngaleso si-khathi wukuthi wayehlakaniphile kodwa engafuni ukuthi kugqame lokho.
“Waba ngungqongqoshe kuhulumeni waKwaZulu ngo-1978, walwela amalungelo abo bonke abantu engabheki ubuqembu bomuntu. Ukuqokwa kwakhe ukuba ngundu-nankulu wokuqala waKwaZulu-Na-tal – ngaphansi kukahulumeni we-ntando yeningi – kwenzeka ngenxa yamagalelo akhe ayesebonakele kwezepolitiki.
“Nakhona akaphoxanga, waqini-sekisa ukuthi usebenzela abantu bakulesi sifundazwe. Ngisho
uMntwana waKwaPhindangene, iNkosi Mangosuthu Buthelezi, akazange aye kwiCodesa ngoba waye-thume yena uDkt Mdlalose,” kusho uMfu Zondi.
Uthi uDkt Mdlalose ubezehlisa ngisho kunguyena osephutheni fu-thi ubengakaze ambone ethukuthe-le. Uqhuba athi wayengomunye wa-bantu ababehamba phambili eku-bhuleni umlilo wodlame lwezepolitiki olwaholela ekuchithekeni kwe-gazi eliningi phakathi kwamalungu e-IFP ne-ANC.
“Ngisho kunabantu abashiselwe imizi nguye obehamba phambili ukulekelela lapho engakhathalele ukuthi ungowaliphi iqembu. Sila-hlekelwe kakhulu kulo mkhakha,” kusho yena.
UKUZALWA KWAKHE
Ngokomlando obhalwe nguye uqo-bo encwadini yakhe ebizwa ngoku-thi “My Life”, uDkt Mdlalose waza-lwa mhla ka-29 kuLwezi (Nove-mber) ngo1931 nguMnu Zwelabo Mdlalose, noNkk Thabitha Dorcas Nondombo (uMaMthembu).
Ngo-1936 wayevame ukuphelezela umnewabo, u-Amos uma eya esikoleni eNhlokoma Primary.
Lapha esikoleni waba wuhlupho ngokuxabana nabanye abafundi, ikakhulukazi abesifazane, waze we-nqatshelwa ukuya khona ngenxa yokuphazamisa abanye abafundi.
Waze wangena wafunda kahle ngo-1937. Ngaleyo minyaka othisha babelusebenzisa uswazi ezingane-ni, bengadlali. Ngo-1943 wadlulela ePholela Boarding School.
Kule ncwadi uveza ukuthi okwamenza wanquma ukufundela ubudokotela wukuqundeka amehlo ku-kayisemkhulu wangabe esabona, yisilonda esingapholi esasiphuma ubomvu enqulwini kayisekazi, uJuliet nesifo sofuba kumnewabo u-Amos.
E-FORT HARE
NgoNdasa (March) wango-1950 efi-ka e-University of Fort Hare, we-thulwa ngumnewabo u-Edward ku-Mntwana waKwaPhindangene, iNkosi Mangosuthu Buthelezi. Bachitha ihora lonke bexoxa be-hlukaniswe wucingo lwamahostela abo.
Okuningi kwababexoxa ngakho kwakuwumlando we-ANC nophiko lwayo lwentsha, i-ANC Youth Leag-ue. Uthi nguyena umntwana owamenza wajoyina i-ANC, emyalela nangomhlangano owawuzoba kho-na elokishini eNtselamanzi.
Kusukela lapho, uthi amandla e-ANCYL aya ekhula eFort Hare naphezu kokuba umphathi wenyuvesi, uSolwazi CP Dent ayeseyivalile. Kule nyuvesi wabhalisela iziqu zeBSc aziphothula ngo-1953.
UFUNDELE UBUDOKOTELA
Esephothulile eFort Hare, wadlu-lela e-University of Natal – esibizwa nge-University fo KwaZulu-Na-tal (UKZN) – ukuyofundela iziqu zo-budokotela bokwelapha (MBChB).
Mhla ka-24 kuLwezi (November) 1956, waganwa yintokazi yakwa-Skhosana eMsinga, u-Eunice.
Waphothula izifundo zobudokotela ngo-1958. Babusiswa ngabantwana abawu-5, amantombazane awu-2 nabafana abawu-3.
UPHINDELA KWEZOMBUSAZWE
NgoNhlolanja (February) 1975, wa-menywa nguMntwana Mangosuthu Buthelezi ukuba ahambele umhla-ngano owabe uzothatha izinsuku ezintathu ngoNdasa (March) Kwa-Nzimela nabanye abantu abaqavi-le.
Njengemeya yaseMadadeni, kwakumele aphelezelwe ngelinye ilu-ngu lomkhandlu, okwaba ngu-Amaria H Ndlovu (owayeyikhansela), owayenguthishanhloko wesikole samabanga aphansi saseMadadeni.
Abantu ababekulowo mhlangano kwakuyilaba: uMntwana uMangosu-thu Buthelezi, uBishop Dr Alpha-eus Hamilton Zulu, uDr Helen Ngobese, uMnu Sim-on Mthimkhulu, uMnu Selby Msimang, uProf Otty Nxu-malo, uProf Sibusiso Nyembezi, uMnu Gideon Mdlalose,
uMntwana Gideon Zulu, uMfu Celani Mte-twa, uMnu Excell Msi-mang, uMfu Enos Z Sikha-khane, uMnu Eric Nguba-ne, uDkt Frank Mdla-lose, uMnu Zakhele Khu-malo noMnu Eliakim Mthiyane.
AMAZWI ENDUDUZO
UMNU Zondi uthi ukudlula emhlabe-ni kukaDkt Mdlalo-se kufana nokuthi naye ulahlekelwe ngumzali ngoba ezi-nye zezingane zakhe wayefunda nazo.
“Kubuhlungu ngiyazi, kodwa sicela niduduzeke ngoba uDkt Mdlalose uyi-bekile induku eba-ndla. Okuhle wukuthi imisebenzi yakhe emihle iyohlala imlandela. Sengathi angaphumula ngoxolo,” kusho yena.
Uthe kuyajabulisa ukumemezela kukaMe-ngameli Cyril Ramaphosa ukuthi uDkt Mdlalose uzo-hlonishwa ngomngcwabo kahulumeni wesigaba sesibili.
“Lokho kumfanele kakhulu futhi kusho lukhulu nangamaga-lelo akhe emkhakhe-ni wezepolitiki,” kusho yena.
Inkonzo yakhe yokugcina izoba seMadadeni, eNe-wcastle namhla-nje ngoLwesine.
