Bengaxhawulani emuva kokubukisa ngeChiefs koweligi
PHILANI NCALANE
KUPHINDE kwagqama ukungahoshelani kubaqe-qeshi beMamelodi Sundo-wns ihlula iKaizer Chiefs ngo-2-0 emdlalweni weDStv Pre-miership izolo ngeSonto kusihlwa eLoftus Stadium, eTshwane.
Amagoli eDowns avalelwe nguGrant Kekana ngomzuzu ka-7 no-Peter Shalulile ngoka-63. ULebogang Manyama uyeke ithuba lokugqiba ihlazo leChiefs egeja iphenathi ngomzuzu ka-80. Ubesa-nda kungena kulo mdlalo.
URhulani Mokwena ongomunye wabaqeqeshi beDowns, kusanda kuvela ukuthi akasahoshelani ka-hle noManqoba Mngqithi ongu-mqeqeshi oyinhloko. Ngemuva ko-mdlalo, uMokwena ulixhawule lo-nke ithimba labaqeqeshi beDo-wns, kodwa akazange amxhawule uMngqithi, uphume emuva kwa-khe. URivaldo Coetzee uqokwe njengomdlali ovelele kulo mdlalo.
ISundowns isanda kubukisa nge-ziMpofana iziwashisa ijezi seku-khahlelwa amaphenathi kwiMTN8. Kwenzeka lokhu nje, iDowns iphu-ce iChiefs iqatha emlonyeni iyihlwitha inkomishi yeligi ngomdlalo wokugcina ngesizini eyandulela edlule.
IChiefs bese ihlale isikhathi esi-de esicongweni se-log ngaphambi kokugudluzwa yiDowns isacijwa nguPitso Mosimane osekwi-Al Ahly yase-Egypt.
* IRoyal AM ithole amaphuzu aphelele okokuqala kule sizini ihlula iChippa United ngo-1-0 we-phenathi kaVictor Letsoalo ayi-bhakuzise ngomzuzu ka-51 kowe-DStv Premiership izolo ntambama eChatsworth Stadium, eThekwini.
Emdlalweni olandelayo i-AM izobhekana neChiefs koweligi ngo-Mgqibelo ngo-17h00 eFNB Sta-dium, eGoli. IziMpofana zizoya kulo mdlalo zivuza igazi njengoba zitaxwe yiDowns.
* Isiyonke imiphumela yeDStv Premiership: Sundowns 2, Chiefs 0; Royal AM 1, Chippa 0; Baroka FC 0, Maritzburg 1; Sekhukhune 1, Stellenbosch 1; Pirates 1, Swallows 0; TS Galaxy 2, Arrows 2.
* EyeGladAfrica Championship: UThongathi 1, Richards Bay 0; Cosmos 0, Spurs 0; Hungry Lions 1, Tuks 1; Leopards 0, Sporting 1; JDR 2, TTM 0; Free State 1, Venda 0; All Stars 0, Callies 0; Platinum 2, Polokwane 1.
