INTATHELI YELANGA
KUCINENE utshumo edolobheni oNdini, kuyabonakala ukuthi kukhulu okwenzekile njengoba kukhothame iNkosi yakwaButhelezi, uMntwana waKwaPhindangene, uMangosuthu, ongumsunguli we-IFP. Edolobheni abantu bayehla bayenyuka – babodwa abahlobe ngomfaniswano we-IFP, kanti namabutho kawazibekile phansi, ayaphithizela, ahlobe ngemvunulo. Emigwaqweni kusukela phakathi edolobheni kuze kuyoshaya KwaPhindangene, bekuphithizela izimoto zamaphoyisa, amasosha nomphakathi. Izimoto eziphayiza amalambu aluhlaza, ezithwala izikhulu, nazo bezehla zenyuka. Kukhona abebephephezelisa amafulegi amancane e-IFP, anesithombe soMntwana.
Abantwana besikole basheshe badedelwa.
INkosi Buthelezi itshalwa kusasa ngoMgqibelo.
