BHEKI NDLOVANA
KUQOKWE uNkk Thoko Didiza we-ANC – obengungqongqoshe wezolimo, ezokuklanywa kabusha kwemihlaba nokuthuthukiswa kweziNnawo zasemakhaya kwesikasomlomo wePhalamende.
Unqobe ngamavoti awu-284, ehlula uNkk Ntombovuyo Veronica Mente ongusihlalo we-EFF, othole amavoti awu-49.
Igama likaNkk Didiza beliphakanyiswe nguNkk Pemmy Majodina we-ANC obengusotshwebhu ngaphambi kokhetho lwamhla ka-29 wenyanag edlule. Ukuphakanyiswa kwegama likaNkk Didiza kwesekelwe nguMnu Supra Mahumapelo oyilungu le-ANC ePhalamende.
ElikaNkk Mente beliphakanyiswe nguMnu Vuyolwethu Zungula ongumholi we-ATM. Ukuphakanyiswa kwegama likaNkk Mente kwesekelwe nguMnu Bantubonke Holomisa ongumholi we-UDM.
