TSEPO MOLEFE
BUZWELANE nomphakathi ubuholi besizwe sakwaNtuli oYaya, eShowe, baxegisa imibandela yokuzila uma kudlule ilungu lomndeni wasebukhosini, emuva kokuba semanzini kwesizwe ngeSonto, kushona uNdlunkulu uLillian Ntuli (76), uMaNkwanyana, owayegane iNkosi uMuzingezwi, eseyakhothama.
Umndeni wasebukhosini uyalele amalungu omphakathi ukuba aqhubeke nezinhlelo
zemicimbi yangempelasonto, ngoba uyakuqonda ukuthi abantu besebehlelile. Nokho, kuyalwe abantu ukuba bagiye babuye nganeno, bakhumbule ukuthi isizwe
sisemanzini.
Izindaba zokudlula kukaNdlunkulu uMaNkwanyana ziqinisekiswe kwiLANGA nguMnu Zamo Ntuli, oyilungu komndeni wasebukhosini. (Lolu daba luphume ephephandabeni layizolo)
