Kutholwe igazi embhedeni wonyamalele

225

SKHOSIPHI MTHEMBU

SEKUQUBUKE indida ngokunyamalala ko-wesilisa waseSikebheni, eNanda, okuthiwa umndeni wakhe uvuke umbhede wakhe ugcwele igazi, yena engabonwa. Kubikwa ukuthi kusukela ngoMsombuluko umndeni nomakhelwane baphume inqina, kuthungathwa uMnu Siyethemba Ngidi (29) (osesithombeni) okuvele ukuthi ugcine ukubonakala ngoMsombuluko. 

Umthombo uthi ngesikhathi kubhekwa, bekukhona amaconsi egazi abesuka embhedeni wakhe ephuma egunjini lakhe. 

Udadewabo omdala kaNgidi, uNkz Thobekile Ngidi, uthi bewumndeni basadidekile ukuthi ngabe kwenzekeni kumfowabo. Uthi okubaphatha kabi kakhulu, yigazi abalithole embhedeni wakhe. Uveze ukuthi ugcine ukubona umfowabo ngeSonto ebusuku. 

Okhulumela amaphoyisa KwaZulu-Natal, uLt Col Nqobile Gwala, uthi kuvulwe idokodo lophenyo ngokunyamalala komuntu.

 

Previous articleUsomatekisi ufuna “ukugezwa” wuhulumeni ngo-R100 million
Next articleOwe-ANC usola izimbangi “ngokuvuka” kwecala lenkohlakalo