Kuye ngamagama eMKP kufungiswa amalungu ePhalamende

177

BHEKI NDLOVANA

ASEQALILE ukufungiswa amalungu amasha ePhalamende eCape Town, emcimbini oseCape Town International Convention Centre (CTICC) njengoba isakhiwo sePhalamende sisalungiswa emuva kokushsiwa kwaso ngoMasingana (January) wezi-2022. Kuqale kwabizwa amalungu e-ANC okubalwa kuwo nomengameli wawo, uMnu Cyril Ramaphosa, yisekela lakhe uMnu Paul Mashatile, nosihlalo wayo uMnu Gwede Mantashe.

AMALUNGU e-IFP abefungiswa esiShayamthetho saKwaZulu-Natal. ISITHOMBE NGU: LUCKY CAIN

Uhlelo luqale ngehora leshumi ekuseni njengoba bekuvele kuhleliwe. Selokhu luqalile uhlelo asikho isiphithiphithi. Okuqaphelekile nokho wukuthi ngesikhathi uhlelo luqala, amalungu e-EFF abengekho ngaphakathi, kodwa aze angena uhlelo seluphakathi. Ngesikhathi kubizwa igama likaMnu Julius Malema ongumholi wayo – ukuba ayofunga – akavelanga njengoba ubengakangeni nethimba lakhe.

AMALUNGU eMKP abefungiswa esiShayamthetho saKwaZulu-Natal njengoba nakhona uqhubeka umsebenzi wokufungiswa kwamalungu. ISITHOMBE NGU: LUCKY CAIN

Umhlangano uphethwe yiNhloko yabeHluleli, uMnu Raymond Zondo.

Izihlalo ebezibekelwe amalungu oMkhonto weSizwe Party (MK Party) bezingenamuntu njengoba amalungu aleli qembu engalubhadanga kulo mhlangano njengoba iqembu lalivele lishilo.

Previous articleKuphelile ukuqagela ngamaqembu azobusa iKwaZulu-Natal
Next articleAmalungu e-ANC naweDA efungiswa esiShayamthetho saKwaZulu-Natal