MTHOBISI SITHOLE
KUZOGIYA kudedelane amaciko ezinhlobo ezahlukene zomculo mhla ka-6 kuMbasa (April) ePeople’s Park, eMoses Mabhida, eThekwini, kwiMother of All Maskandi Festival – enesiteki seQuantum kumculi kamaskandi ozothola amavoti amaningi – njengoba kumenywe nabaculi bombhaqanga, isicathamiya ne-gospel.
Phakathi kwabaculi abamenyiwe, yiZulu Messengers (isicathamiya), uBonani Mhlongo (uMbhaqanga) noJumbo (we-gospel).
Bakhona nabakamaskandi – abebengeyona ingxenye yomqhudelwano weQuantum – abamenyiwe, okubalwa kubona uKhuzani, iGcokama Elisha, Izingane Zoma, oSukasambe, uVumile Mngoma, uBingelela Mpanza neZintombi zikaMjaphane.
Umgqugquzeli walo mcimbi, uMnu Eric Ngobe, uthe obekubalulekile ngesikhathi kumenywa laba baculi, wukuthi abathandi bomculo wesintu bazizwe bemukelekile Uthe uhlu lwamavoti abaculi beluvezwa okokugcina izolo ngoMgqibelo, wathi ukuvota kuzovalwa mhla ka-29 kwephezulu, kodwa umculi odle umhlanganiso, useyomenyezelwa ngosuku lomcimbi ePeople’s Park.
Amathikithi alo mcimbi aseyatholakala ezitolo zakwaSpar naseTickets Pro ngo-R100, awezicukuthwane abiza u-R1 200, kanti itafula lama-VVIP libiza u-R15 000. Thumela igama lomculi omvotelayo ku: 44893.
Uhlu lwabaculi ngokukeliswa kwamavoti akuleli sonto, lumi kanje:
1. Gatsheni – 108589
2. Solwazi – 38526
3. Tornado – 21297
4. Zinjaziyamluma – 20653
5. Amawele kaMaMtshawe – 18294
6. Amageza Amahle – 13362
7. Imfezemnyama – 10742
8. Somatekisi – 9528
9. Amavikelambuso – 9262
10. Menzi – 8349
11. Buhubhe – 7544
12. Thubhobho – 7241
13. Dumakahle – 5922
14. Thandazani – 4703
15. Qalindaba – 4875
16. Insingizemnyama – 4218
17. Ezechalaha – 4141
18. EzikaMajotha – 4044
19. Mafakhiza – 4023
20. Qhosha – 4006
21. Selula – 3932
22. Smirnoff – 3899
23. Amadodana Entandane – 3725
24. Amasoka Amahle – 3717
25. Ithwasa Lekhansela – 3637
26. King Nuba – 3557
27. Inkosi Yamagcokama -3488
28. Skhala Nene – 3344
29. Skhenqe -3241
30. Bhasini Lamula -3194
mthobisis@ilanganews.co.za
