Ngeke aqashwe umqeqeshi omusha kwiBucs

88

Kuzoqhubeka uMandla Ncikazi noFadlu Davids ebhentshini leziMnyama

U-IRVIN Khoza

SENZO SOKHELA

USIHLALO we-Orlando Pirates u-Irvin “Iron Duke” Khoza usenqume ukulumisa uhlelo lokuqasha umqeqeshi omusha ngenhloso yokunika ababambile ithuba.

UJosef Zinnbauer obengumqe-qeshi weBucs usule isigubhukane kule kilabhu ekuqaleni kwesizini.

Nakuba engaphumelanga obala ngesizathu esenze washiya kodwa kusolakala ukuthi ibimshisa insi-mbi njengoba imiphumela ibigqoza.

Izintambo zibanjwe nguFadlu Davids noMandla “Mhloli” Ncika-zi abebengabasizi bakaZinnbauer.

Emuva kokuba kusule iZinnba-uer kuthiwa bezingena zilakanyana izicelo ezivela kubaqeqeshi abehlukene abebegaqele lo msebenzi.

Phakathi kwabo kungabalwa u-Adel Amrouche waseBelgium obelolonga iqembu lesizwe laseBotswana, uGavin Hunt oseqa-shwe yiChippa United noSteve “Mphathi” Komphela osethimbeni labaqeqeshi beMamelodi Sundowns.

Muva nje kuvela negama likaCa-vin Johnson ongumsizi kaPitso “Jingles” Mosimane kwi-Al Ahly yase-Egypt.

Leli phephandaba lithole ukuthi uKhoza usenqume ukulumisa kancane uhlelo lokuthungatha umqeqeshi.

“Baningi abaqeqeshi abafake izicelo zokulolonga iBucs kodwa uKhoza akabazwisisi kahle yinga-kho esevele wanquma ukulumisa kancane lolu hlelo.

“Okwamanje uzonika uNcikazi noDavids ithuba baqhubeke nokubamba izintambo.

“Kodwa-ke umqeqeshi angamu-memezela noma yinini ngoba uKhoza amakhadi akhe uwadlalela esifubeni.

“Uyamucabanga uJohnson ko-dwa-ke asilinde yena ngoba akathi vu ngalolu daba,” kusho umtho-mbo.

Imizamo yokuthola uKhoza ukuba aphawule ngalolu daba iphunzile njengoba ucingo lwakhe belungangeni.

Previous article6 September 2021
Next articleUsengundingasithebeni odingisiwe