LUCKY CAIN
SELIQALILE ukugawula eNingizimu Afrika igciwane usomqhele (coronavirus) njengoba sekushone abantu ababili ngenxa yalo. Ngokwesitatimende esithunyelwe nguDkt Zweli Mkhize onguNgqongqoshe wezeMpilo kuleli, laba besifazane abaneminyaka engu-28 no-48 ngabaseWestern Cape. Bashonele ezibhedlela ezahlukene khona eWestern Cape, kwesizimele nesikahulumeni. Khona manjalo ziqalile izinsuku ezingu-21 zokuhlala endlini ngokwesimemezelo sikaMengameli Cyril Ramaphosa sokunqanda ukubhebhetheka kwe-coronavirus. Sebengaphezu kwenkulungwane abantu abahlaselwe yileli gciwane eNingizimu Afrika.
