SINGCWATSHWE sesonakele isidumbu sika-Ayabonga Mjilo nokwenze inkonzo yomngcwabo wakhe ebiKwaNyanti eHlokozi yabamfishane.
Lokhu kuvezwe okhulumela umndeni uMnu Mthetheleli Mjilo oveze ukuthi ngenxa yokuthi isidumbu sakhe besesonakele kuphoqe ukuthi inkonzo ibe mfishane.
Uthe umndeni uzwe ubuhlungu ngesikhathi uyomlanda emakhazeni wangakwazi ukubona kahle ngenxa yesimo abekusona. Inkonzo yomngcwabo ka-Ayabonga ibemfishane kakhulu njengoba kukhulume uNdunankulu waKwaZulu Natal nelinye ilungu eligciine lingatholakalanga igama lalo.
UNtuli uqhubekile nokuzwakalisa ukukhathazeka kwakhe ngesihlava sokubulawa kwabesifazane esifundazweni.
Uthe ezindaweni ezisogwini nesifundazwe usengcwabe abesifazane cishe abane kusukela ngoDisemba nokuyinto ekhathazayo. Inkonzo yomngcwabo ibihanjelwe izikhulu zikahulumeni namalungu omphakathi.
Kuqhume isililo emathuneni omndeni ngesikhathi ibhokisi lika-Ayabonga selehla njengoba amalungu omndeni nabangani behluleke wukuzibamba basidinda esikaNandi.
U-Ayabonga wanyamalala ngoKhisimusi ephuma endaweni yokudlela eMhlanga. Kuboshwe obengumphathi wakhe ngalesi ngokushona kwakhe uMnu Mfanafuthi Kunene oseke wavela enkantolo. Kulindeleke ukuthi aphinde avele enkantolo ngomhla ka-26 kuFebruay 2025.
