Sivalwe ngeMeya yaseNewcastle isikhundla esishiywe nguNdunankulu waKwaZulu-Natal

202

MTHOBISI SITHOLE

SIVALWE ngeMeya yaseNewcastle, uMnu Xolani Dube (okwesokudla), isikhala sikaSihlalo weSA Local Government Association (Salga) KwaZulu-Natal, esivuleke ngokujutshwa kukaMnu Thami Ntuli (okwesokunxele) esishayamthetho salesi sifundazwe. UMnu Ntuli usengundunankulu waKwaZulu-Natal. Le nhlangano ibiphethwe yi-ANC ngaphambi kokungena kukaNtuli we-IFP. 

Amanye amalungu e-IFP asesigungwini esiphezulu ebuholini beSalga kulesi sifundazwe, yiMeya yaseMzinyathi, uMfu Petros Ngubane nekhansela laseThekwini, uMnu Mdu Nkosi. 

Kwabaqokelwe kuzwelonke, yiMeya yaseMhlathuze uMnu Xolani Ngwezi neMeya yasoPhongolo uNkz Velephi Sikhosana.

Kwabanye abangamalungu (ngethikithi le-IFP) kubalwa yiMeya yasoLundi uMnu Wilson Ntshangase, ngeyaseNkosi Langalibalele uMnu Mduduzi Myeza, ngeyaseJozini uMnu Mfananaye Mathe, ngeyaseBaqulusini uMnu Mncedisi Maphisa, ngeyase-Alfred Duma uMnu Zama Sibisi, ngeyasoThukela iNkosi uNtandoyenkosi Shabalala, nabanye.

www.ilanganews.co.za

Previous articleOna-100 ujoyine iMK ngenxa yothando lukaZuma
Next articleLihoxisiwe “elowabulala, wagqiba” inkosikazi egcekeni