INTATHELI YELANGA
UBANJWE nomakhalekhukhwini omunye wabasolwa ecaleni lokudlwengula kubulawe intombazane (17) yaseMlazi ngoNhlaba (May) nonyaka. Kubikwa ukuthi amaphoyisa abophe abesilisa ababili, oneminyaka ewu-39 noneminyaka ewu-25 ubudala ngecala lokudlwengula kubulawe u-Aphiwe Ngcobo. Ngokwesitatimende samaphoyisa, omunye wabasolwa ubanjwe eMalukazi, eMlazi, omunye wabanjwa eClermont.
Kubikwa ukuthi u-Aphiwe wayekubo emini ngoba wayengabhali ngalelo langa, wahlaselwa ngabasolwa ababeyogqekeza.
NgoMgqibelo, uphenyo lwamaphoyisa luwaholele eMalukazi kowesilisa oneminyaka ewu-25, okubikwa ukuthi utholakale ephethe umakhalekhukhwini kamufi. Aqhubekile nokuthungatha umsolwa wesibili okuvele ukuthi uyibhantinti, amthola eClermont.
Okhulumela amaphoyisa KwaZulu-Natal, uBrigadier Jay Naicker, uthe abasolwa babekwe amacala okubulala nawoku-dlwengula.
www.ilanganews.co.za
