LUCKY CAIN
UBOPHELE omaskandi umcimbi wamahhashi, uMtelebhelo Heritage Cup, ozokube useHolywoodbets Scottsville Racecourse, eMgungundlovu, owenzeka okwesi-6 kulo nyaka kanti kulindeleke ukuba uqhubeke nokuba ngowekhethelo ukukhulisa nokuthuthukisa ezokuvakasha kuleli dolobha.
NGU-NEVIGATOR.
Kulindeleke nokuthi uhehe abathandi bemijaho yamahhashi nemfashini njengoba ugabe nangengqephu yabasiki abahlukene abasafufusa nasebephumelele. Kulo mcimbi kusuke kuqhudelana amahhashi aqhamuka ezinkalweni ezahlukene KwaZulu-Natal kanti aseqala ukwanda nawakwezinye izifundazwe nakwamanye amazwe. Ngokusho kwabahleli balo mcimbi, inhloso yawo wukuqhakambisa umtelebhelo wamahhashi ebalazweni lomhlaba, wukuthuthukisa ezokuvakasha nokugcina amagugu.
NGUMFAZ’OGCWELE
Phakathi kwabaculi okulindeleke ukuba bashiyelane inkundla; nguSaliwa, uGqizile, uNavogator, uMfaz’ogcwele noMavula. Umjaho womtelebhelo wamahhashi usuneminyaka wenzeka ezindaweni ezahlukene eNingizimu Afrika. Phakathi kwemijaho yamahhashi yasemakhaya ekhombisa ukukhula kubalwa iDundee July, iKing Cetshwayo Horse Racing neNkandla May.
