SENZO SOKHELA
UWUQONDISE kubadlali bakhe umunwe u-Ernst Middendorp ongumqeqeshi weKaizer Chiefs ezakhe ziguqiswa okokuqala ngale sizini.
IChiefs ihlulwe yiPolokwane City ngo-1-0 kowe-Absa Premiership ngoMgqibelo kusihlwa eFNB Stadium, eSoweto. Igoli okunqobe ngalo iPolokwane kube yiphenathi evalelwe enethini nguJabulani Maluleke. IChiefs iye kulo mdlalo ihambela phezulu njengoba ibingakaze yehlulwe ngale sizini. Nokho iPolokwane ilephulile leli rekhodi phambi kwabalandeli beChiefs abasale bebambe ongezansi.
UMiddendorp uwuqondise kubadlali bakhe umunwe ngalokhu kwehlulwa.
“Bekungesiwona umdlalo wethu lona, besidlala kakhulu amabhola amade. Ludlale kahle udonga lwabo lwasemuva, belungagqobhozeki la-pho simatasa sidlala amabhola amade. Siwatholile amathuba abe-ngenza sithole iphuzu kodwa sangawasebenzisa. Abadlali kufanele bazisole bona ngalo mphumela bazenzele bona phansi,” kusho uMiddendorp.
UZlatko Krmpotic ololonga iPolokwane, uthi ubazi ukuthi bazoyishaya iChiefs.
“Siye kulo mdlalo siyitadishe kahle, sahlaziya bonke ubuthaka bayo. Konke kuhambe ngokohlelo lwethu kulo mdlalo. Ngijabule ngendlela engachazeki ngalo mphu-mela. Ngiyababongela abadlali bami,” kusho uKrmpotic.
Funda inkinga yakamuva ye-Ilanga online manje!
MAYELANA NATHI
ILANGA Iphephandaba Lesizwe elineminyaka engaphezulu kwengu-115. Lisungulwe nguJohn Langalibalele “Mafukuzela” Dube wasoHlange ngonyaka ka-1903. ILANGA lizishaya amaphiko endimeni yamaphephandaba ngokuba yilo elihamba phambili kumaphephandaba esiZulu cishe eNingizimu Africa yonke. Litholakala ngeSonto, uMsombuluko noLwesine. Ungazitholela izindaba zokungcebeleka, ezomnotho, ezemidlalo, ezikaqedisizungu, ezemfundo nokunye okungini.
SILANDELE
Ilanga subscribes to the Code of Ethics and Conduct for South African Print and Online Media that prescribes news that is truthful, accurate, fair and balanced. If we don’t live up to the Code, within 20 days of the date of publication of the material, please contact the Public Advocate at 011 484 3612, fax: 011 4843619. You can also contact our Case Officer on khanyim@ombudsman.org.za or lodge a complaint on our website: www.presscouncil.org.za
© 2022 Ilanga Newspapers. All rights reserved.