SENZO SOKHELA
UMQEQESHI wama-Aerobics ohlonishwayo kulesi sifundazwe useqhamuke nohlelo lokusiza umphakathi ozivalele emakhaya ukuze ukwazi ukuzigcina uphilile.
UMengameli wezwe uCyril Ramaphosa unqume ukumisa konke ukusebenza eNingizimu Afrika izinsuku ezingu-21 ngenhloso yokuba kuza-nywe ukunciphisa ukubhebhetheka kwe-coronavirus esibhubhisile emhlabeni.
Abantu bayalelwe ukuba bazivalele ezindlini.
Nokho abanye badonsa kanzima njengoba befa yisizungu njengoba bengazi ukuthi bazohlala benzeni.
UMzwandile Thusi odume ngelikaKent kwezama-Aerobics useqhamuke nohlelo lapho ezojimisa khona aba-ntu bukhoma kwi-facebook ngenhloso yokuba bazivocavoce.
Lolu hlelo lwakhe luzoqala kusasa ngoLwesine ngo-17h00.
Kwabanesifiso sokujima naye bangangena kwi-facebook bathungathe uKent Thusi.
UThusi ekhuluma naleli phepha-ndaba uthe: ‘’ Inhloso yami enkulu ngalolu hlelo engiluqalayo wukuthi ngifake isandla ukulekelela abantu ukuba bazivalele ezindlini bese bejima.
Ngiyacela-ke ukuthi labo abazoba yingxenye yalokhu kujima baqhubeke nokulandela imiyalelo kaHulumeni yize besemakhaya.
Bakuqikelele ukuthi kabasondelani uma bejima futhi bageze izandla ngaso sonke isikhathi.
Okwamanje sizokwenza izinhlobo ezihlukile zama-aerobics,’’ kusho uThusi.
Ngeminye imininingwane kungathintwa yena uThusi kwethi: 071 148 0010.
