uMakitaza ubonge uBhodloza ngengoma

290
UMCULI kamasikandi uMaqhinga Radebe noMfundisi uMakitaza abakhiphe ingoma bebonga iqhaza likaBhodloza.
Ophakathi nguMnu Selby Zondi oyindodana kaMakitaza. ISITHOMBE: SITHUNYELWE

MTHOBISI SITHOLE

UKHUMBULE uMnu Welcome “Bhodloza” Nzimande ngengoma kamaskandi umakadebona kwezo-mculo wamahlaya ne-gospel, uMichael “Makitaza” Zondi wodumo lwengoma eyayithi “Kitaza Jive”. 

UMakitaza – owake wakhipha i-albhamu yamahlaya ngokuhlanga-nyela nengqwele yalolu hlobo lo-mculo, uVusi Ximba (ongasekho) – ukhiphe ingoma ethi “Bhodloza Siyabonga” ngokubambisana nomculi kamaskandi, uMaqhinga Radebe. 

UMakitaza utshele ILANGA ukuthi kukhulunywa eyokuthi wagcina eve-lele emculweni nje, kungenxa ka-Bhodloza owamthatha engelutho, wamphakamisa. 

Uthe yilokho okwenze ukuba naye adlulise isililo sakhe ngokukhethe-kile, ngale ngoma esitholakala ezitolo zomculo online. “Kayikho enye indlela yokuphakamisa imisebenzi yale ndoda ngaphandle komculo. 

“Ngikholwa wukuthi umculo uyi-nqolobane yangunaphakade eyo-ficwa yizizukulwane ngezizukulwa-ne. Le ngoma ilungele bonke abantu abathanda isintu, futhi injalo nje iculeka kalula. 

“UBhodloza uwuphakamise ka-khulu umculo wesintu, kufanele senze konke okusemandleni ukuqinisekisa ukuthi umsebenzi wakhe kawushabalali,” kusho uMakitaza. 

Uthi ngo-1988 kuya ku-2001, waye-sebenzela uKhozi FM, enandisa ezinhlelweni zalesi siteshi ngama-hlaya akhe. 

Uveze ukuthi leli thuba walithola ngenxa yezincomo zikaBhodloza. 

Leli thuba uthi lamphakamisa kakhulu yize ngaleso sikhathi kwa-kuqale ngokuthi angatholi ngisho indibilishi, kodwa wagcina esenikwa onsumbulwane. 

Uthi ingosi yakhe eyayithi “Lwa-bheda Uhlelo”, yakhombisa ukutha-kaselwa kakhulu. “UBhodloza wan-gilekelela kakhulu emsebenzini wami, wayekholelwa kakhulu kwezobuciko nokuthuthukiswa kwazo,” kusho uMakitaza othi waqala uku-ngena kwezomculo ngo-1980 kanti ngo-1990 wakhipha iqembu elibizwa ngeThulamsindo ngokubambisana noSjula Mnisi – owayengumsakazi woKhozi FM – naye uBhodloza. 

Wagqama kakhulu ngeqembu lakhe le-gospel, iMvuselelo yaseNatal ngo-1998 elashaya ama-platinum amabili.

UBhodloza udlule emhlabeni no-nyaka, eneminyaka ewu-74 ubudala kanti wayeshiye oKhozini FM ngo-2010.

Previous articleKusolwa nephoyisa kwabesilisa abasecaleni lokushaya
Next articleUthi usezolala ubuthongo ngokugwetshwa kowamdlwengula