LUCKY CAIN
UBONGE uxhaso lwezithuthuthu eziwu-10 umnikazi wendawo yezokuvakasha yasemakhaya, iSomopho Hills, eseMpangeni. Lezi zithuthuthu zinikelelwe le ndawo wuMnyango wezokuThuthukiswa koMnotho nezokuVakasha KwaZulu-Natal.
Lokhu ukwenze njengengxenye yokugubha inyanga yezokuvakasha kulesi sifundazwe emcimbini obuseSomopho Hills namhlanje ngoLwesihlanu. Lo mcimbi ubuhanjelwe nayinkosi yendawo, uMinenhle Mthembu, izikhulu zomnyango nezeTourism KwaZulu Natal – okuwuhlaka olwengamele ukukhangisa ezokuvakasha kulesi sifundazwe.
Ezibongela umnikazi wale ndawo, uMnu Lungani Mthembu, uthe lolu xhaso luzokwenza omkhulu umehluko ukuqinisekisa ukuthi iSomopho Hills iyakhula futhi iyathuthuka.
