Uthi kuhlale obala ukuba ntekenteke kwengalo yomthetho
izitolo nezindawo ezilinyaziwe, zashiswa ngesikhathi kunemibhikisho nokutatshwa kwempahla enxanxatheleni yezitolo esesiteshini KwaMashu ISITHOMBE NGU: YOLA NDZABE
MFANAFUTHI NDLOVU
USOLA uHulumeni wase-Ningizimu Afrika ngoku-hudula izinyawo ekubopheni izigilamkhuba ezicekele phansi amabhizinisi abo uMengameli weBlack Business Council, uMnu Sandale Zungu, ophinde abe ngusihlalo wamaZulu FC, agijima kwiDStv Premiership.
Sekuwumlando ukuthi lolu dla-me olwaqubuka KwaZulu-Natal, lwanabela eGauteng, emuva koku-zinikela kukaMnu Jacob Zuma emaphoyiseni ngobusuku bango-mhla ka-7 kwephezulu – njengoba wagwetshwa izinyanga eziwu-15 yiNkantolo yoMthethosisekelo ngokudelela umyalelo wayo – lu-shiye kukhalwa njengoba kubhujiswe amabhizinisi abeqashe inqwaba yabantu.
Izitolo zokudla ezihamba pha-mbili ngokuqasha abantu aba-mnyama, okubalwa kuzo uSpar, uShoprite noBoxer, zishayeke kakhulu kulolu dlame.
Ekhuluma neLANGA izolo ngeSonto, uMnu Zungu – ongowoku-dabuka eMlazi – uthe balokhu be-qhubekile nezingxoxo nohulumeni wakuleli emazingeni ahlukene.
Uthi kodwa okukhathaza kakhulu wukuthi uhulumeni uhudula izinyawo ekubopheni abenzi bobubi.
“Siyasigxeka kakhulu isenzo sa-bantu bakuleli ngokudala umona-kalo wezigidi ngezigidi zamarandi, okubeka ikusasa lemindeni emi-ningi engcupheni, ngenxa yokuthi amanye amabhizinisi azothatha isikhathi eside ukuvuka.
“Kumele ngabe ngalesi sikhathi yinqwaba yabantu asebeboshiwe kwazise ubufakazi busobala.
“Okucacile wukuthi uhlaka lwa-maphoyisa kalunalo ukhakhayi oluqinile ukubhekana nezimo eze-nzekile. Bekumele amaphoyisa azame ngendlela yonke ukugwema le nto eyenzekile. Empeleni uhulumeni udlale kakhulu ngathi ngo-ba okulandelayo wububha obuzo-dlanga esizweni esimpisholo, oku-ngezona izindaba ezimnandi.
“Sibhekene nesimo ezinzima siyizwe ngoba abatshalimali ba-zokuba manqika ukufaka imali yabo ezweni elingenazo izinsiza zokugwema izimo ezifuze lesi.
“Sizokuba nemindeni eminingi ehlwempu, kanti kuzoba nzima ukuvuka kulesi simo.
“Kumele kuqhanyukwe nama-qhinga aphusile ukuzama ukufu-kula izwe emuva kwalo monakalo,” kusho uMnu Zungu iqembu lakhe ebelisenxanxatheleni yezitolo, iBridge City, KwaMashu, izolo ngeSonto.
Uthe ukuya kwabo bewuSuthu kule nxanxathela yezitolo – ebalwa nezishayekile kulolu dungunyane – wukuthi bebeyokhuthaza abala-ndeli, babanike ithemba ngesimo esenzekile.
Utshele ILANGA ukuthi njengoba ikomkhulu labo kuwuMbelebele, lifana nensika yeqembu, bekubalulekile ukuba babekhona ukukhuthaza imindeni nabalandeli abawa bevuka nekilabhu yize kubhoke iCovid-19 eNingizimu Afrika.
“KwaMashu besiyobheka ukuthi sinjani isimo, siqinise abalandeli bethu idolo, sibheke nezinhlelo esingalekelela ngazo siyikilabhu neBlack Business Council, ukuzama ukubuyisa ukuzethemba kubalandeli nomphakathi wonke wase-Ningizimu Afrika ohlukumezekile ngalesi simo.
“Kumele sifunde isifundo ngale nto eyenzekile ukuze ingaphinde yenzeke. Okugqamile wukuthi use-mkhulu umsebenzi obhekene nesizwe esimpisholo, kwazise kuvele obala ukuthi kasilingani,” kusho uMnu Zungu ofike kumaZulu FC washintsha izinto, okwenze leli qembu laqeda isizi lilele endawe-ni yesibili kwi-log yeDStv Premier-ship.
Ngalokho lizibekisele indawo kwiCAF Champions League elizobe liyigijima okokuqala selokhu kwathi nhlo.
