BHEKI NDLOVANA
IZWAKALISE umyalelo kayise mayelana ne-IFP indodana yeNkosi Mangosuthu Buthelezi, emsunguli waleli qembu.
UMntwana uMntwana uZuzifa Buthelezi (osesithombeni), uthi uyise uhambe emhlabeni esho
ukuthi akafisi ukuba i-IFP ixoveke.
Uthe kungaba kubi kuMntwana waKwaPhi-ndangene, ngisho eselele kobandayo, ukubona iNkatha iphenduka ize.
“(Ubaba) wathi uyafisa ukuba lingenzeki iphutha lokuthi ixoveke i-IFP, kuze kufike esigabeni sokuthi ishabalale.
“Ngiyethemba ukuthi abaholi bamzwile uma esho kanjalo, bamlalela,” kusho uMntwana uZuzifa.
Uthe uyise wayekholelwa ekutheni uma umuntu (abaholi be-IFP) esecabanga noma esebona kangcono kuneqembu, makahambe njengoba nabanye benza phambilini – angazami ukushintsha imigomo ye-IFP.
Uthe uzimisele ukulwa kuze kunqamuke izandla ukuqinisekisa ukuthi ifagugu nemisebenzi kayise kakushabalali.
