Zimkhalele owesifazane obesolwa ngokuthengela umyeni izinkabi

684
UVELE enkantolo ngoLwesihlanu uNkz Lindiwe Gwala (46), ngecala lokuthenga inkabi ukuba isoconge umyeni wakhe.

NOMFUNDO NGWANE

USHAQWE ngabakwasidlodlo ese-msebenzini ngoLwesine ebusuku owesifazane waKwaDabeka, eThe-kwini,ILANGAlangomhla ka-17-19 kuNhlangulana (June) elibhale uk-uthi usolwa ngokuthengela umyeni wakhe inkabi ukuba imbulale ngo-ba efuna indlu nemali yomshwale-nse abemkhave ngawo (umyeni). 

UNkz Lindiwe Gwala (46), uvele eNkantolo yeMantshi yasePineto-wn, ngoLwesihlanu emuva kokuboshwa ngamaphoyisa engazelele. 

Ungene obishini olumholele eza-ndleni zabomthetho emuva kokuba inkabi okuthiwa wayithenga ngo-R35 000 ukuba idubule ibulale uMnu Sthembiso Ndlovu – onguyise wezingane zakhe ezimbili – yahla-nza lonke iqiniso kuyena (uMnu Ndlovu), ikhala ngokuthi kayiyena umbulali kodwa yathatha imali ngoba ixakekile. 

Odabeni lweLANGA ngeledlule, uMnu  Ndlovu obegeqa amagula ngokuphunyuka kwakhe ekufeni, uveze nokuthi ubuthongo bebunga-sehli selokhu inkabi yaphumela obala. Leli phephandaba libika ngalolu daba nje, besekuphele izi-nyanga ezimbili amaphoyisa ebhala ecisha ukuthi abophe umsolwa. 

UMnu Ndlovu uveze ukuthi 

inkabi eyayithengwe yingoduso ya-khe yagcina igwaza ibulala indo-dana yakhe, uMinenhle Gwala (16) – ayizala kumsolwa – eneminyaka ewu-16 ngoba ingane ibuza imali kanina ukuthi ikhokhwa nini, 

kwazise yona yayingazi ukuthi 

ngeyani le mali. 

Inkabi igcine iboshelwa icala 

lokubulala uMinenhle. Uthi inka-bi yaziyela mathupha kuyena ngo-Mbasa (April) nonyaka, iyomtshe-

la ukuthi isikhokhelwe ukuba imbulale, makahambe ayobika emaphoyiseni. Uthi usezoke alale ubuthongo njengoba ingoduso yakhe isiboshiwe. 

Okhulumela amaphoyisa Kwa-Zulu-Natal, uCol Thembeka Mbhe-le, ukuqinisekisile ukuthi uNkz Gwala ushaqwe ngamaphoyisa 

ngoLwesine ebusuku, uvelile enkantolo ngecala lokwakha 

uzungu lokubulala. Kulindeleke ukuba abuyele kule nkantolo maduze eyofaka isicelo sebheyili.

nomfundo@ilanganews.co.za

Previous articleKuboshwe isihlobo kwelokubulawa kwephoyisa
Next articleKufane nomsebenzi wenkukhu ukumba ‘idayimane’