“Mampintsha” Maphumulo, emshadweni wesintu ohlelwe ukuba ngempelasonto eThekwini.
SANDILE MAKHOBA
KULINDELEKE izinga eliphezulu emshadweni wosaziwayo abanga-baculi abadume ngezigigaba eziningi, okuhlanganisa nokugqimuzama ngamaqupha, uBongekile “Babes Wodu-mo” Simelane noMandla “Mampi-ntsha” Maphumulo ozokuba seBa-llito, eThekwini ngeSonto.
Ngokuthole kweLANGA ngemi-thombo yalo, lo mshado uzohanje-lwa ngabathile abamenyiwe kanti kulindeleke ukuba ungasabalali ezinkundleni zokuxhumana nje-ngoba kuthiwa abakwaShowmax – abaqopha uhlelo olukhuluma nge-mpilo yalaba baculi, oluzobizwa ngokuthi “Uthando Lodumo” – be-thenge amalungelo awo, okusho ukuthi kuyoba yibo abakhombisa ngawo.
lezi zithandani zithembisene umshado ngoMfumfu (October) wa-ngonyaka odlule, kanti ngenyanga edlule uBabes wabonakala enda-weni yobumnandi eMlazi nesisu ezikhombisa ukuthi uzithwele.
Uthando lwabo selokhu lwaba sematheni ngesikhathi uBabes ekhipha ingoma yakhe yokuqala ethi “Wololo”, ngaphansi kwenkampani kaMampintsha, iWest Ink Records.
Ethintwa yiLANGA uMampi-ntsha, uthe akakwazi ukukhuluma ngalo mshado.
“Umshado ukhona, kuza abamenyiwe kuphela, oku-ningi kangi-kwazi ukukusho ngoba iShowmax yiyona ethe-nge amalu-ngelo omshado,” esho.
Elinye iphephandaba lesiNgisi libike ukuthi udadewabo kaBabes Wodumo, uNondumiso Simelane, uqinisekisile ukuthi laba bayashada ngeSo-nto, wathi njengamanje imindeni iyatatazela, iyehla iyenyuka kuqedelwa amalungiselelo.
“Kuzoba wumshado wabo wesi-ntu, okuzothi ngemuva kwezinya-nga ezimbalwa besekuba ngo-mhlophe,” kusho yena.
Kuleli phephandaba kuvela no-kuthi uNomsa Philiso, ongumqo-ndisi weLocal Entertainment kwaMultichoice, uthe: “Uhlelo lolu lu-zogxila othandweni lwabo nokuthi badlula kanjani ezinkingeni asebe-ke babhekana nazo ngokubambisa-na nemindeni yabo.”
