IDONSE nezinsizwa zakwaNgono eNkandla ingoma yaMabomvu, eMsinga. Le ngoma ebibanjelwe esigodini kwaNdaya izolo ngoKhisimuzi, ihlanganise le mihlathi eyakhelene ehlukaniswe wumfula uThukela.
Iningi lomphakathi waseNkandla liyesekile le ngoma njengoba lithi belizimisele ngokubamba iqhaza kuyona.
Kulo Khisimuzi kayibanga khona ingoma yesizwe sakwaNgono eNkandla ngenxa yokukhothama kwenkosi yesizwe, uMnu Phiwokwakhe Ntuli, ebitshalwa ngempelasonto edlule.
Izigodi zaseMsinga okubalwa kuzona uLatha, iNhlesi, uNdaya, iNhlonga nezinye eziningi, bezibulalana ngoshameni. Izintombi zendawo, nomakoti abasebasha bebevunule beconsa.
mthobisis@ilanganews.co.za
