SIZOLALELWA namuhla ngoLwesithathu eNkantolo yoMthethosisekelo isicelo soMkhonto weSizwe Party (MK) sokuphikisa ukumiswa kukaNgqongqoshe wamaPhoyisa uMnu Senzo Mchunu, esikhundleni sokuxoshwa.
I-MK iphikisa isinqumo sikaMengameli Cyril Ramaphosa sokunika uMchunu ikhefu elikhethekile nokuqoka uSolwazi Firoz Cachalia ukubamba esikhundleni sakhe.
UMchunu ube sematheni emasontweni edlule ngemuva kwenkulumo yoMkhuzi wamaPhoyisa KwaZulu-Natal, uLt-Gen Nhlanhla Mkhwanazi, emubheca ngokugxambukela emsebenzini wamaphoyisa.
I-MK iphikisa nokuqokwa kwekhomishini kaJudge Mbuyiseli Madlanga ukuphenya ngezinsolo, njengoba umnyango wezokushushisa nawo wavela esinsolweni zenkohlakalo ezavezwa nguMkhwanazi.
Kulindeleke ukuthi amalungu aleli qembu aqhingqe ngaphandle kwale nkantolo.
