I-Federation of International Football Association (FIFA) isiqinisekise imihlomulo ezotholwa ngamakilabhu azobamba iqhaza kwiFIFA Club World Cup ezoqala ngoNhlangulana (June), kuwona okukhona nekilabhu yakuleli.
Ozodla umhlanganiso kulindeleke ukuthi athole u-USD 125 million (olinganiselwa ku-R2,277,287,500 ngokwamandla email yaseNingizimu Afria).
Okuqaphelekayo, amakilabhu azobamba iqhaza avela ezwenikazi i-Afrika – okuhlanganisa iMamelodi Sundowns, i-Al Ahly, iWydad Casablanca ne-Esperance – azothola isiqiniseko sika-USD 9.55 million (olinganiselwa ku-R174 million).
Esitatimendeni esikhishwe ngoLwesithathu, iFIFA iveze uhlu lwemihlomulo.
“Ngaphezu kwemiklomelo yamakilabhu abambe iqhaza, kunohlelo lokutshalwa kwemali lobumbano olungakaze lubonwe, lapho sihlose khona ukuthi kunikezwe ama-dollar ayizigidi ezingu-250 ebholeni lamakilabhu emhlabeni wonke.”
“Kakungabazeki ukuthi lokhu kuzogqugquzela ubumbano kunike nomfutho omkhulu emizamweni yeFifa eqhubekayo yokwenza ibhola libe limbulunga yonke ngempela. Isiyonke imihlomulo kulo mqhudelwano wu-USD 1 billion, ohlanganisa izinsiza zokusebenza kwezemidlalo engu-USD 475 wezigidi kanye nemihlomulo yokubamba iqhaza ewu-USD 525 wezigidi isiyonke.
- Isiteji samakilabhu ( kule midlalo emithathu) simi kanje:
U-USD 2.0 million ngokuwina, bese kuba wu-USD 1.0 million ngokutonyulwa kwekilabhu
Kwi-Last-16: USD 7.5 million
Kuma-quarter-final: USD 13.125 million
Kuma-semi-final: + USD 21.0 million
Owokugcina: + USD 30.0 million
Owinile: + USD 40.0 million
