AKAWUVALI umlomo ngomehluko awubona eThekwini selokhu kungene uhulumeni wobumbano uSolwazi Adam Habib, oyiphini likashansela eSchool of Oriental and African Studies, eNyuvesi yaseLondon, eMelika.
UHabib, oke waba ngushansela eWits University, ubeseholidini eNingizimu Afrika lapho ehambele khona iTheku, iCape Town, neGoli.
“Ngimangele ngoshintsho engilubone eThekwini. Utshani eceleni kwemigwaqo bugundiwe, ezokuphepha ziqinile emabhishi, kanti nedolobha lihlanzekile, ezindaweni ebengizivakashele. Lokhu kuwubufakazi bokuthi isimo siyashintsheka emadolobheni amakhulu,” kubhala uHabib ekhasini lakhe leX(Twitter).
Ukhale kakhulu ngokuwohloka kweGoli, ikakhulu ukungcola, ubugebengu, nokwehluleka kukamasipala wakhona ukuhlinzeka umphakathi ngezidingo. Uthe konke lokhu kungenxa yosopolitiki nezikhulu zikahulumeni ezingawenzi umsebenzi wazo ngendlela.
