BANGAPHEZULU kuka-2500 abashayeli bezimoto ababoshiwe ngokwephula imigomo eyahlukene yomgwaqo KwaZulu-Natal, kule mpelasonto yePhasika.
Ngokubika koMnyango wezokuThutha esifundazweni, phakathi kwemigomo yomgwaqo abantu abayephulile, kubalwa eyokushayela bedle amanzi amponjwana, wukushayela ngesivinini eseqile kunesivumelekile, nokushayela ngaphandle kokuba nezincwadi ukukha phezulu.Â
UNgqongqoshe walo mnyango uMnu Siboniso Duma, uthe amaphoyisa omgwaqo iRoad Traffic Inspectorate (RTI) nezinye izinhlaka zezokuphepha, kule mpelasonto kusukela ngoLwesine zimise izimoto eziwu-16 183 kwizivimbamgwaqo ezahlukene ebezisabalele esifundazweni.Â
Uthe amaphoyisa omgwaqo asebenzisana nawomasipala namaphoyisa kazwelonke noMnyango wezaseKhaya ngaphansi kohlelo lweNenzani La Ezweni, aqhubeke lapho agcina khona ngoZibandlela (December). Ngaphansi kwalolu hlelo bangaphezulu kuka-2500 abashayeli abathweswe amacala ngokwehlukana kwabo. Uthe yizimoto eziwu-150 ezikhishiwe, zamiswa ukuha- mba emgwaqweni. Uqhube ngokuthi sebebonke abashayeli ababanjwe bedle ampo- njwana, kulesi sifundazwe, babalelwa ku-337.Â
Khonamanjalo amaphoyisa omgwaqo kazwelonke aveze ukuthi bawu-934 abashayeli bezimoto ababoshelwe ukubanjwa becwile ezinkambeni zikaFaro kuleli Phasika. UMnu Simon Zwane okhulumela iRoad Traffic Management Corporation (RTMC) ezweni lonke, uthe isaqhubeka nokuba yinkinga enkulu eyabantu abashayela bephuzile kuleli.Â
UZwane uzwakalisa ukukhathazeka ngesibalo sezimoto ezikhishwe emgwaqweni ngenxa yokungabi sesimweni esifanele njengoba ziwu-1215 ezimiswe kule mpelasonto, kuneziwu-923 ezikhishwe ngonyaka owedlule. Unxuse abashayeli ukuba baqhubeke nokuhlonipha imithetho yomgwaqo, futhi baqinisekise ukuthi izimoto zabo bayazihlola, zihlale zisesimweni esifanele. Â
