ZINGENA zingenile emahhovisi e-Orlando Pirates izicelo okuthiwa zivela emakilabhini ase-Europe afuna ukuthenga ngetshe lemali uMbekezeli “TLB” Mbokazi (19) ongukaputeni weBucs.
UMbokazi ugile izimanga eshaya elihle igoli elinqobise ngo-1-0 iPirates ihlula iSiwelele koweCarling Knockout ngoMgqibelo ntambama e-Orlando Stadium, eSoweto.
Kuthiwa igoli likaMbokazi ngendlela elibukwa ngayo ezinkundleni zokuxhumana, lihehe amakilabhu aseFrance, eBelgium naseRomania okuthiwa asefake isicelo sokumusayinisa kwiPirates.
Kuthiwa iPirates ayikawaphenduli kwazise newindi lokudayiselana ngabadlali lisavalile.
