UGCINE etholakele umgijimi oduke ngemuva komjaho iComrades Marathon izolo ngeSonto.
UMoira Harding uqede umjaho ngesikhathi esiwu-16:52, okuthe ngemuva kwalokho umndeni wakhe umfuna, wangamthola. Ubengatholakali ocingweni laze lwaphela usuku lwayizolo.
Kuthiwa utholakale namuhla ekuseni ePhoyinti, eThekwini, engekho esimweni esihle. Kuthiwa uthathwe ngendiza enophephela emhlane, waphuthunyiswa esibhedlela.
AbakwaComrades Marathon Association (CMA) bakuqinisekisile ukuthi lo mgijimi usetholakele. Bathe utholakale enganamyocu, wabe esephuthunyiswa esibhedlela ukuyohlolwa.
