UXOSHWE ngoWhatsApp umgadli osize iDurban City ukuba inyukele kwiBetway Premiership.
ILANGA lithole ngemithombo yalo ukuthi uRuzaigh Gamildien (36) obengumgadli weCity ukhonjwe indlela ngoWhatsApp kule kilabhu.
Umthombo waleli phephandaba uthe: “UGamildien akasekho kwiDurban City, uxoshiwe, njengamanje umatasa uthungatha umsebenzi. Akhona amakilabhu aseqalile ukumuthinta ikakhulukazi kwiMotsepe Foundation Championship.”
UGamildien ushaye amagoli awu-6 amqoka njengoba ewinise le kilabhu emidlalweni ebinzima ukuze inyukele kwiPremiership.
