KUZOHLOMULA amakhasimende azifela ngokuzivocavoca nokuzishayelwa umoya ngobudlelwano obusayindwe isitolo sezimpahla zokugqoka iMr Price Sport kanjalo nabakhiqizi bezimpahla iKappa.
Lobu budlelwano balezi zinkampani zombili bunikeza abathandi bokuzivocavoca nokungcebeleka ithuba lokuzitholela ezakwaKappa ngendlela elula futhi ezingatholakali noma ikuphi.
Lobu budlelwano buzokwenza iMr Price Sport kube isona sitolo esinezimpahla ezimgangathweni zakwaKappa.
Isikhulu sakwaMr Price Sport uPhillippa Feher uzwakalise ukujabula ngalesi sivumelwano nale nkampani yezimpahla zemidlalo ekhiqizwa e-Italy.
Uthe lo bu budlelwano buzoqhamuka nezimpahla ezingeke zitholakala kwezinye izitolo kodwa ezizotholakala kwaMir Price Sport kuphela.
Kuzokhumbuleka ukuthi iKappa ingabaxhasi beqembu lodumo eNingizimu Afrika iKaizer Chiefs njengoba amajezi nezimpahla zaleli qembu zikhiqizwa yile nkampani.
Isikhulu sezoMaketha senkampani iCrick Group eyengamele iKappa uDianri Lutting uthe kuyabajabulisa ukubona izimpahla zabo ezangajwayelekile sezithole ikhaya kwaMr Price Sport okuyisitolo esiwungqa phambili eNingizimu Afrika.
Uthe phakathi kwezimpahla ezizotholakala zakwaKappa ngezikujima, ezokuzipholela nalezo zesitayela ezisemgangathweni.
Uqhube ngokuthi izimpahla zokuzivocavoca asizagcini ngokuthi zigqikwe lapho abantu bejima khona kodwa sebengakwazi ukuzigqokela zona ngezindlela ezahlukene.
