SELUKHISHIWE uhlu oluphelele lwabaculi noDJ abazonandisa emcimbini kaMthandeni SK obizwa ngeMthandeni Summer Experience ozoba ezinkundleni zemidlalo eMkhaliphi eMdletsheni ngomhla ka-4 kuJanuary 2025.
Lolu hlu lwaba bauli kuboshelwe abaculi beminxa eyahlukene kusukela bakamasakandi, gospel, kwaito, gqom noDJ. Kulabo ababoshelwe kulo mcimbi osuzokwenzeka minyaka yonke kubalwa kubo yena uMthandeni, Mawhoo, Nomcebo Zikode, Dladla Mshunqisi, Thinah Zungu, Limit, Mzukulu, Gatsheni, Tira, Shwi, Big NUZ, Sjava, Duncan, Boonu, TNS, Ntencane, Jaiva Zimnike, Mbuzeni, Sminofu, Gadla, Sigwebo Sentambo, Ali Mgube, Bahubhe, Mdumazi nabanye abaningi.
Kuzokhumbuleka ukuthi lo mcimbi uqale ukwenzeka ekuqaleni kwalo nyaka lapho uMthandeni SK ebebonga abalandeli bakhe nomphakathi wangakubo ngokumeseka kusukela angena emculweni.
Ngenyanga eyedlule ube esewuthula ngokusemthethweni njengobamcimbi osuzokwenzeka minyaka yonke njengoba ezimisele ukuwukhulisa aphinde anikeze nabaculi abasakhula ithuba lokuzibonakalisa.
Amathikithi alo mcimbi aseqalile ukutholakala kusukela ngoR100 ajwayelekile kanti awezicukuthwane wona abize uR500.
