ISEMATHENI kulezi zinsuku intokazi eyi-porn star, uBonnie Blue (25), ongowase-United Kingdom, kulandela ukuveza kwakhe ukuthi ulale nabesilisa abangu-1,057 emahoreni awu-12.
Lesi simemezelo esingehlanga kwahle kwabaningi nesibonakale simthela ngehlazo kodwa intokazi lena ephinde ibe yimodeli ku-OnlyFans, ibonakale ingenandaba nabangahambisani nakushoyo.
Enkundleni yezokuxhumana u-X, uBonnie Blue, ufake isithombe sobuso bakhe useqedile ukulala nabesilisa abangaphezulu kwenkulungwane njengokuthembisa kwakhe.
Uveze ukuthi indlu lapho ebenzela khona lomsebenzi wakhe beyigcwele phama njengoba bebebaningi abesilisa abebefuna ukuzovolontiya balale naye.
“Bebengena bengamaqoqo ahlanganise abahlanu,”kusho yena echaza ukuthi uwenze kanjani lo msebenzi wakhe ukuze ube yimpumelelo.
Le ntokazi isike yangena enkingeni ngaphambilini njengoba kuthiwa ubejwayele ukulala nabafana abasebancane.
UCollin Rugg ongusaziwayo uthe imshiye eshaywa ngamahloni into le ntokazi ethi iyenzile.
“Lokhu kungukubulala isisizukulwane njengoba elala nabafana abancane kanjalo namadoda ashadile,”kusho yena.
UBonnie Blue, uthi abazali bakhe bebengameseki kulo msebenzi awenzayo ngoba bebadala kakhulu.
Enye intokazi enabalandeli ku-OnlyFans, uLily Phillips, ithi naye ihlela ukulala nabesilisa abawu-1000 ngoFebruary.
