AMAPHOYISA aKwaZulu-Natal aphenya ngesigameko sokubulalwa komuntu okuthiwa ubanjwe entshotsha uChocolate obiza u-R15.
Isigameko senzeke kwenye yamasuphamakethe eMpangeni ngoMgqibelo. Kuthiwa onogada bashaye lo muntu, wagcina ngokushona.
Amalungu omphakathi abethukuthele egane unwabu, agasele kuso lesi sitolo, efuna incazelo ngokushaywa ngesihluku kwalo muntu, okuholele ekutheni agcine ngokushona.Amaphoyisa afikile athatha izitatimende kwabebekhona, kubanikazi besitolo, nonogada abathintekile.
Kwenzeka lokhu nje, inkantolo eNkulu eMgungundlovu, ngoLwesibili, igixabeze uSabelo Phewa udilikajele njengoba elahlwe icala lokubulala uMnu Sibusiso Sithole. USithole owayeyimenenja kaMasipala wseRichmond, wabulawa ngo-2017, njengoba wayephenya ngomgunyathi wokukhishwa kwamathenda, kuwona lo masipala.
menzi.jele@ilanganews.co.za
