AMAPHOYISA aKwaZulu Natal abophe abasolwa abathathu ababanjwe beqhuba isidumbu somuntu ngebhala eSiphingo eningizimu yeTheku.
Ngokubika kweSABC laba basolwa bahlulekile wukuphendula amaphoyisa ngesikhathi ebabuza ngalesi sidumbu.
Okhulumela amaphoyisa akulesi sifundazwe uColonel Robert Netshiunda uthe laba basolwa baboshwe ngemuva kokuhluleka wukuqhamuka nempendulo eqondile ngokuqhuba lesi sidumbu.
Uthe baboshelwe ukutholakala nesidumbu nokuphazamisa ukusebenza kwengalo yomthetho.
UNetshiunda uthe amaphoyisa athole umbiko ngabalisa abathathu abebeqhuba isidumbu abe esenikela kuwona.
Uveze ukuthi laba basolwa bebeqhuba lesi sidumbu ebesesiqala ukonakala.
“Ngemuva kokuhluleka ukuqhamuka nempendulo eqondile ngalesi sidumbu abe esekhalelwa ngamasondo kaSgonyela la madoda,” kusho uNetshiunda.
Kulindeleke ukuthi avele enkantolo maduze.
