AMAPHOYISA KwaZulu-Natal, athi sekuboshwe ababili ngokubulawa kwekhansela lakumasipala iMandeni, uMnu Phendukani Mabhida.
UMnu Mabhida kuvele ukuthi ngoLwesibili ekusuku, kufike abesilisa ababili abenze sengathi kukhona abazocela usizo ngalo.
Ngemuva kokuba udadewabo kaMnu Mabhida emtshele ukuthi kukhona abacela ukukhuluma naye emnyango bavulele ngenhlamvu, wathi uyaphuma uyangenelela udadewabo naye bamdubula esinqeni.
UMnu Mabhida ushonele esibhedlela kanti udadewabo usesesibhedlela.
Laba ababoshiwe kulindeleke ukuthi bavele enkantolo kaMantshi eNyoni kusasa.
nonhlakaniphos@ilanganews.co.za
