UZOBE ugabe ngabasiki bengqephu abasezingeni lomhlaba umcimbi wanonyaka weWorld Sporting Betting Cape Town Met ozoba ngomhla ka-25 kwephezulu seHollywoodbets Kenilworth Racecourse.
Lo mcimbi wamahhashi ohambisana nengqephu kulindeleke ukuthi uhehe osaziwayo abahlukene bakuleli nangaphandle njengoba uhambisana nemfashini nobumandi obuzobe buthe chithi saka kuwona.
Ngokwesitatimende esikhishwe ngabahleli balo mcimbi phakathi kwabasiki bengqephu abazobe bekhangisa ngengqephu yabo kubalwa uGavin Rajah, Masango by Siphosihle, Thula Sindi, Cindy Bam, Sipho Mbuto, Imprint, Fikile Sokhulu nabanye asebezakhele igama kulo mkhakha.
Kulo nyaka lo mcimbi uzobe uhlelwe ngaphansi kwengqikithi Couture Unleashed futhi uhambisana nokugubha ithalente lase-Africa.
Isikhulu esiphezulu seCape Racing uDonovan Everitt uthe umcimbi walo nyaka wehlukile futhi uyisipesheli njengoba uhlanganisa umjaho wamahhashi osezingeni, imfashini kanokusho nobumnandi obungapheli impelasonto yonke.
Uthe i-afterparty yalo nyaka izohlanganisa izinhlanga ezahlukene njengoba kuboshelwe uhlu lwabaculi noDJ abahlonishwa kuleli nakwamanye amazwe.
Ubalule uZakes Bantwini oseke wahlabana nendondo yeGrammy njengomunye wabazobe beshiyelana inkundla nabanye kulo mcimbi.
Abanye abazobe benandisa kubalwa DJ Zinhle, Neo Dreams, Goodluck nabanye.
Amathikithi alo mcimbi asatholakala eQuicket.
