ISILOMO somculi waphesheya kwezilwandle uSean Combs owaziwa ngelikaDiddy (Puff Daddy) ulahlwe ngamacala athinta ukuqwayiza waphuma phambili kwamanye abebhekene nawo okubalwa kuwo awokushushumbisa ngokocansi nokuqola.
Isinqumo sikaDiddy sikhishwe ngoLwesithathu ngemuva kwamasonto awu-8 kuqulwa leli cala.
UDiddy (55) utholwe emsulwa ngoxhaxha lwamanye amacala abebhekene nawo.
UDiddy ubebhekene namacala abalelwa ku-70 abethinta izigameko ezahluene zocansi ukunukubeza ngokocansi namanye ahlukene.
UDiddy waboshwa ngonyaka owedlule kanti kusukela aboshwa ubelokhu egcinwe ngaphakathi ezikhindini ejele laseBrooklyn eNew York.
UDiddy ngaphambi kokuba aboshwe ubengomunye wabaculi nosaziwayo abadume umhlaba wonke futhi abaziwayo ngezingoma okubalwa kuzo I’ll Be Missing You, I Need A Girl, Finna Get Loose, Its All About The Benjamins, Notorious B.I.G nezinye.
Kulindeleke ukuthi isigwebo siphume maduze ngala macala agcine emlahla lo saziwayo
