KUXWAYISWA abantu abazobe beseThekwini namaphethelo kule mpelasonto ngokuvalwa kwemigwaqo ethize ngenxa yomjaho waminyaka yonke, iComrades Marathon ezoba ngeSonto mhla ka-8 kwephezulu.
Kulindeleke izinkumbi zabasubathi abazobe beyingxenye yalo mjaho omkhulu osuka ePietermariztburg uya eThekwini. NgeSonto nokuzophoqa ukuba kuvalwe ukusebenza kwemigwaqo yaseThewini. Isitatimende esikhishwe uMasipala weTheku, kuxwayiswe abantu ngezindawo nemigwaqo ezophazamiseka ngenxa yalo mjaho.
Phakathi kwayo kubalwa izindawo eziqala eCato Ridge imigwaqo Eddie Hagan Road, Thousand Hills Drive (Halfway), Alverstone Road, Kassier Road, Inanda Road, Winston Park, Everton Road, M13 West Bound, Kloof Old Main Road, Bottom of Fields Hill, St Johns Avenue, Otto Volek Road, Josiah Gumede Road, King Cetshwayo Highway, 45th Cutting, Sherwood on ramp no-N3 East Bound uze uyongena eThekwini njengoba lo mjaho uzophothulwa ePeoples Park eThekwini.
Babalelwa ku-22 000 abasubathi okulindeleke ukuba babe yingxenye yalo mjaho nokuyisibalo esiphezulu kunale minyaka eyedlule. Kulindeleke ukuba uKabelo Mabalane aqhubeke nokumela osaziwayo kulo mjaho njengoba esewugijime izikhawu. UMasipala weTheku uthe usukulungele ukwamukela izinkulungwane ezizoba yingxenye yalo mjaho nalabo abazobe bezokweseka abasubathi.
