ANGASE ahlomule ngo-R2.1 million umsubathi ozokudla umhlanganiso kwiComrades Marathon yangongaka ozayo, ephethe isiteki sika-R925 000, ezokuba mhlaka ka-14 kuJune usukela eThekwini usongwe eMgungundlovu.
Kubekwe eceleni u-R605 000 ozotholwa wumsubathi owephule irekhodi kulo mjaho, kube wu-R550 no-R252 000 ngokuba ngowokuqala waseNingizimu Afrika ukuqeda umjaho.
IComrades Marathon yangonyaka yethulwe ngoLwesithathu ekomkhulu layo eMgungundlovu, ngaphansi kwesiqubulo esithi “Ska Fela Moya” okuwumusho wesiTswana othi, “ungapheli umoya”.
Imingenelo yabasubathi izovulwa ngomhla ka-27 kwephezulu, ivalwe uma sekutholakala isibalo esidingekayo, u-22 000.
